Armuet

 

 

 

Ich bitte um euri ufmerksamkeit

 

Gschicht vo de schwiz isch fortgschritte

 

Viel meilestei sind gleit

 

und vieles scho gseit

 

 

 

Doch chömer endli uf de punkt

 

Tunkt mi komisch das trotz sozialstaat

 

Dschwiz immr widr i negativi schlogzeile grot

 

 

 

Sind einzelni schicksäl wo dschwiz trifft

 

Und doch würkt sich di sozial armuet ufs volk us wie gift

 

Di nächst generation versifft

 

Wo verzwifelti lüt zum freitod verhilft

 

 

 

Aso erkennener was abgot

 

Und üs die virtuelli welt ines unglück inelot

 

Jetzt seit eu Misch was abgot und duet eu i ires herz inelo

 

____________________________________________________________

 

 

 

Tuusig fründe uf Facebook

 

doch kene kennt sich in echt

 

Gebet euch en ruck und erkennds

 

Ihr wüssed doch gar nüm was isch guet was schlecht.

 

 

 

mier redet vonenand und nümme mitenand.

 

Mitem Screen vorem gsicht

 

laufe mier ohni rücksicht

 

hand in hand ine wand

 

 

 

E wand wo trüebt isch mit schmerz nd bluet

 

Me heti gnueg wuet a gwüse täge

 

Abr de muet nid ufbringt zum was säge

 

(Unds eim elei nid glingt)

 

 

 

Dschwiz git alles her

 

Doch vilne blibt Wert wie empathie fremd

 

Denn es git kei profit här

 

und nur für sich selbr luege defür sehr

 

 

 

Ja sfallt doch vielne schwär

 

Übr ire eigeni schatte springe

 

Wär doch liebi geh so eifach

 

Abr nid wemer mit sich selbr ringed

 

 

 

Hinked likes und sgrosse geld hinehär

 

Denn fleiss gleich preis

 

Hend ihrs gfühl, slebe lauft anderst

 

ab und zue isches scheiss unfair

 

 

 

Heiss sindr uf de roti teppich

 

Doch sich selbr verlüre

 

Isch wohl episch

 

Und seged eu hettich hettich

 

 

 

Hettich doch uf weisheit vo de misch ghört

 

Wär mis lebe hüt nid usem rhytmus

 

Und gstört vom schuss

 

womi unerwartet troffe het

 

 

 

Heti doch gläbt wies idem lied beschribe isch

 

Wos augemerk nid uf nimmsch

 

Sondern gisch gritet isch

 

Weisch jetzt uf was es achunt

 

 

 

D’Schwiz isch verbunde

 

dur es netz vo arme mensche

 

wo nix meh z sege händ

 

Nd bi de mächtige endli mal ghör wänd

 

 

 

Nächsteliebi isch verschwunde

 

Und hesch sichr die richtig frau

 

ide online partnersuechi gfunde

 

de weg got über wunde

 

 

 

gfüllt mit hoffnig dur d‘Wunde

 

Heschder de bullshit im Tv

 

konzentriert inegschlunge

 

und es paar mal mit dinre Weltaschauig grunge

 

 

 

En Weg wo prägt isch mit Gier und Nied

 

Wo en teenie nöd bestimme cha was sie lehrt,

 

das isch doch ide hütige zit

 

afach nurno perfid

 

 

 

Liked das Bild für das chliine chind

 

wo chrebs het

 

Mach jede scheiss mit

 

wo ide welt verbreite wird

 

 

 

Doch hinterfrögs und bögs

 

Das dem krebserkrankde kind nüt bringt

 

wenn ihr nid wüssed

 

vo was das lebe singt

 

 

 

Facebook zeigt der e Schiiwelt

 

wo jede protze cha mit sim fakeselbstvertraue,

 

sprich profil und mit sim fake lebensstil

 

____________________________________________________________

 

Ide schwiz chasch darmuet aber nid links lige loh

 

Also mach öpis bevor de strick loht

 

Mir alli chönd öbis degege mache

 

Also gebemer üs dhand und dünd zeme herzensfroh lache

 

 

 

Ide schwiz chasch darmuet nid links lige loh

 

Also mach öpis bevor de strick loht

 

gebemer üs anenand d'hand

 

und duend im morgerot singe für üses soziale Land

 

____________________________________________________________

 

Bildeti schwizerinne und schwizer

 

Wo tusigi franke i luxus usgäbet

 

Abr sim kolleg nid helfed wener tüf gheit

 

Und sich witer wie scheichs usläbet

 

 

 

Er chan alles verlüre Frau, job und sin glaube

 

Und was düend die gläubige verwandte und bekannte

 

Im erlaube sich schlecht fühle

 

Und schupfed en ab de Kante

 

 

 

Schande übr all kapitaistische lüt ide schwiz

 

Soviel soziali armuet wo jede jede

 

inklusive sich selbr betrügt

 

Ja de schii trüügt

 

 

 

Abr gel frau und herr meier

 

das gits ide schwiz

 

Und de nachwuchs leidet

 

anrem ideale weltbild und wert wie neutralität

 

 

 

Als obs binrem neutrale kapitalist

 

öbis wie empathie gäbt,

 

kläbt a sim vermöge und überzügt vom ego

 

Und gset de wahri sinn erst wen sini welt zerbricht wie us lego

 

 

 

Liebi isch di gröscht leideschaft

 

Verleit der kraft

 

Und bindet di i ine gmeinschaft

 

Wo meh isch als nur essentiel nd sinnhaft

 

 

 

Leidr isch liebi vielne lüüt ide schwiz

 

nid vermittelt worde

 

und dadur sgeld liebi ersetzt

 

Und zviel schwizer (nd schwizerinne) nurno materiels schätzt

 

 

 

Oder wies müri wür beschriebe

 

Um eu zufwecke

 

und a eure guete seel zribe

 

Sodass ihr eu nüm münd verstecke

 

 

 

Mir Jugendliche wend die welt spötr übergeh

 

Wönd üse enkelkindä heil ufwachse gseh

 

Und dwelt ihne perse

 

mit friede übergeh

 

 

 

Darmuet wird afach überseh

 

Vo alne site wird d'schwiz als rich agseh

 

Das thema got üs al öbis a

 

Odr lit eu nüt am wetfriede dra

 

 

 

Ide schwiz chasch darmuet nid links lige loh

 

Also mach öpis bevor de strck loht

 

Mir alli chönd öbis degege mache

 

Also gebemer üs dhand und dünd zeme lache

 

 

 

Egal ob zug züri odr bern

 

Sisch überall sglich problem ob noh odr fern

 

Doch viel wends gar nid gseh

 

Nd genau das duet mir so weh

 

 

 

Chömer mal zu de rechte politik

 

Ihr verbreitet unwahrheite und angst gschickt

 

Und gebet zum usdruck wie de

 

konservativi schwizer tickt

 

 

 

Usgrenzig vo mensche

 

mit migrationshintergrund

 

Und euri erkenntnis und befund

 

Dass all usländer glich schlimm sind

 

 

 

Mached all problem

 

nd gwüssi macheds

 

Abr all in gliche topf rüehre

 

Chan nur zu soziale armuet füehre!

 

 

 

Wirkt sich uf sverhalte vo unreflektiere lüüt us

 

drus use entstoht

 

Di unfruchtbare lüüt bidene

 

Kei soot blueme spriesse lot

 

____________________________________________________________

 

 

 

Ide schwiz chasch darmuet aber nid links lige loh

 

Also mach öpis bevor de strick loht

 

Mir alli chönd öbis degege mache

 

Also gebemer üs dhand und dünd zeme herzensfroh lache

 

 

 

Ide schwiz chasch darmuet nid links lige loh

 

Also mach öpis bevor de strick loht

 

gebemer üs anenand d'hand

 

und duend im morgerot singe für üses soziale Land

 

 

 

____________________________________________________________

 

Derfahrig vo de alina beschribt das guet

 

Und si git zum usdruck

 

was so mensche i ire uslösed

 

Nämli begründeti wuet

 

 

 

Wege üch hani müesse solang lide

 

Ich han mini Gfühl müese verstecke

 

han üch müesse miede

 

Nd han innerlich kei friede chöne entdecke

 

 

 

Denn chunt er um de Ecke

 

Me cha und söll mich ned verstah

 

Wer mich hasst söll besser gah

 

Nd überhaupt de kontakt zu mir loh

 

 

 

Denn Arschchrücher wie üch bruch ich ned

 

Das ihr e maske mit schminki träget

 

gset jede und das ihr nur chönd

 

über fame nd unnützes rede

 

 

 

Wo sind di unschuldige seele vo de kindheit

 

wo hüt umelaufed als wäreds gott nd tüfel i eim

 

die wo kei liebi chönd erfahre

 

und ihr gfühl nöd chönd offebare

 

 

 

Wärded eu im klare

 

um was es würkli got im lebe

 

und schöpfed euri energie nöd i beliebtheit

 

sondern id liebi, familie und gsundheit

 

 

 

strecked eu endli zunem ferne stern

 

Und losed glichzitig uf euer inneri kern

 

De seit eu gern wos duregot

 

Und lot eu nid in stich wies hirn binrem blackout

 

 

 

Hesches eimal versaut

 

denn stoh widr uf

 

Hesch dra glaubt

 

denn gib eine druf

 

 

 

Musch handle nd nid nur träume

 

odr wies andrea beschriebt

 

dir din traum nid

 

vo de umständ loh versäume

 

 

 

Du muesch zueluegä

 

was die andre alles hend.

 

Es isch nur vor dine Auge,

 

aber ned ih dinä Händ.

 

 

 

Au wenn du Talent hesch,

 

jung und voller Energie bisch.

 

Dini Elterä hend kei cash

 

und de Traum zieht a dir verbi.

 

 

 

Du muesch so viel verzichte,

 

z Portmonaie scho wieder lehr.

 

Du schaffsch so vieli Schichte,

 

niemert hets vo dene verwöhnte goofe so schwer.

 

 

 

Und weisch der was der am end

 

vo dinre Jugendzit blibt, ich segs eu

 

so viel kraft und durchhaltewille

 

und überhaupt e persönlichkeit wo ufrichtigkeit vorusleit

 

 

 

Denn am Ehrgiz lits das du hüt es talent hesch

 

A dim frohsinn lits das du so vieli fründe kensch

 

A dim Lifestyle lits das du hüt frei

 

vo kapitalismus nd faschismus läbsch

 

 

 

Nd das isch vieles wert

 

Nd nöd wie die verwöhnte kids

 

vorem tv sitsch und adine sache

 

wie habgierige geier kläbsch

 

 

 

Geld bringt der im lebe nur öbis

 

wends schätzschisch wienen schatz

 

Und das geld für sinnvolli zwäck

 

wie a mensche spende, das nüm lebe münd wie im dräck

 

____________________________________________________________

 

 

 

Ide schwiz chasch darmuet aber nid links lige loh

 

Also mach öpis bevor de strick loht

 

Mir alli chönd öbis degege mache

 

Also gebemer üs dhand und dünd zeme herzensfroh lache

 

 

 

Ide schwiz chasch darmuet nid links lige loh

 

Also mach öpis bevor de strick loht

 

gebemer üs anenand d'hand

 

und duend im morgerot singe für üses soziale Land

 

 

 

 

 

 

 

VOR 165 Tagen